Әскери-патриоттық тәрбие саласындағы ынтымақтастық туралы меморандум аясында өткен аптада Петропавл қ. 6637 әскери бөлімінің офицерлері-аға лейтенанттар А. Тілеубаев пен Ф. Масхудов, Капитандар Г. Ереже мен У. Жаукенов 10 және 11 сынып оқушыларымен алғашқы әскери және технологиялық дайындық бойынша сабақтар өткізді. Сабақтар “Қазақстан Республикасы Қарулы күштерінің Әскери рәміздері”, “Атыс негіздері”, “Экстремизм және терроризм ұлттық қауіпсіздікке қатер ретінде”тақырыптары бойынша өткізілді. Әскери бөлім өкілдерінің сынып сағаттарына, “Ерлік пен патриотизм” сабақтарына , тәрбие іс-шараларына қатысуы оқушылардың бойында қазақстандық патриотизмді және Отанды қорғау жөніндегі конституциялық борышына адалдықты қалыптастыруға бағытталған.