Синтетикалық есірткілер Қазақстан үшін ең ауыр қауіптердің бірі болып табылады. Есірткіні қолданушылардың денсаулығына жойқын әсер етумен қатар, ол қылмыстың күрт өсуіне әкеледі. Соңғы жылдары нашақорлар саны мен есірткіге байланысты құқықбұзушылықтардың саны айтарлықтай артты. Әсіресе, кәмелетке толмаған есірткі тасымалдаушылардың көбеюі алаңдаушылық тудырады. Әлеуметтік желілер арқылы жасөспірімдер мен жастарға, соның ішінде оқушыларға, «тәжірибесіз» немесе арнайы дағдыларды қажет етпейтін «жоғары жалақы» ұсынылады. Олар мұндай әрекеттің барлық қауіптілігін және Қазақстанда есірткіні таратқаны үшін 10 жылдан 20 жылға дейін бас бостандығынан айыру жазасы бар екенін жиі түсінбейді. Қазақстан түрмелері «қалташалармен» айналысқаны үшін сотталғандармен тез толып жатыр. Ресми мәліметтер бойынша, қазір қылмыстық-атқару жүйесі мекемелерінде есірткі құралдарын тарату, сақтау және өндіру үшін сотталған шамамен 4,3 мың адам жазасын өтеп жатыр. Соңғы екі жылда есірткі тарату үшін сотталғандар саны 30%-ға өсті. Неге Қазақстан жастары есірткі бизнесіне жиі тартылуда және бұл олардың өміріне қандай зардаптар әкеледі? Осы сұрақтарға жаңа «Қалташа» деректі фильмінде жауап беріледі! Бұл фильмді бөлісіп, балаларыңызбен әңгімелесіңіз.