19 қараша күні лицейіміздің 11-сынып оқушыларымен діни бірлестіктермен өзара іс-қимыл және үйлестіру бөлімінің бас маманы Нұрмағамбет Нұртас Айбекұлымен «Зайырлылық қағидаты – Қазақстан Республикасының болашағының кепілі. Деструктивті діни ағымдардың құрбаны болмау жолдары» тақырыбында кездесу өткізілді.Кездесу барысында зайырлылық – еліміздің тұрақты дамуы мен үйлесімінің негізі екендігі, оның әртүрлі көзқарастарға, мәдениеттер мен діндерге құрметпен қарауды біріктіріп, барлық азаматтар үшін тең құқықтарды қамтамасыз ететіні талқыланды. Қазақстан Республикасы әрдайым төзімділік, өзара түсіністік және құрмет үлгісі болуға ұмтылды. Зайырлы қағидаттарды қолдау – білім, ғылым және мәдениетке басымдық берілген, ар-ождан бостандығы өмірдің ажырамас бөлігі болып саналатын қоғам құруға мүмкіндік береді. Ақпарат жылдам таралатын қазіргі әлемде шынайы құндылықтар мен қауіпті идеологияларды ажырата білу өте маңызды. Деструктивті діни ағымдар адамдарды өз қатарларына тарту үшін манипуляция әдістерін жиі қолданады. Оқушыларға берілген негізгі кеңестер: Әртүрлі діндер мен философиялар туралы көбірек білу, олардың ерекшеліктерін түсіну.Ақпаратты талдап, манипуляцияны тану үшін сыни ойлау қабілетін дамыту.Отбасы мен достардан оқшаулануға шақыратын топтардан сақ болу. Егер сіз немесе жақындарыңыз күмәнді ұйымдарға тап болсаңыз, қайда жүгінуге болатынын білу. Осындай іс-шаралар жастардың зиянды ықпалдарға қарсы тұру қабілетін қалыптастырып, зайырлы мемлекет пен бейбіт өмір қағидаттарын ұстануға көмектеседі.

#біртұтас_тәрбие