Біздің лицейде “Еңбек түбі береке” тақырыбына арналған әр адамның өміріндегі және қоғамның дамуындағы еңбектің маңыздылығын атап өтуге бағытталған сынып сағаттары өтті. Сынып сағаттарында оқушылар Еңбек адам өмірінің ажырамас бөлігі, жеке өсу мен қоғамның өркендеуінің қайнар көзі екенін талқылады. Әр түрлі мамандықтардың қоғамдық әл-ауқатқа қалай үлес қосатынына, Қазақстанда 2025 жыл жұмысшы мамандықтар жылы деп жарияланғанына, дәрігер, мұғалім, құрылысшы, дәнекерлеуші немесе фермер болсын, әрбір мамандық маңызды және құрметке лайық екеніне ерекше назар аударылды. Оқушылар пікірталасқа белсенді қатысып, болашақта кім болғысы келетіні және қоғамға қандай үлес қоса алатыны туралы өз ойларымен бөлісті. Сабақ соңында балалар “Менің өмірімде Еңбек неге маңызды” тақырыбында шағын эссе дайындауға тапсырма алды. Мұндай сынып сағаттары еңбек тек міндет қана емес, сонымен бірге өзін – өзі дамыту, өз қабілеттерін жүзеге асыру және басқа адамдарға көмектесу мүмкіндігі екенін жақсы түсінуге көмектеседі, еңбекті құрметтеуге және оның әр адамның өміріндегі құндылығын түсінуге ықпал етеді.

#біртұтас_тәрбие

#Адал_еңбек